Hay naku, may bagyo nanaman dito sa province namin. Pag ganitong malamig maraming masarap gawin, bahala kayo kung ano gusto nyo isipin gawin pag umuulan. Basta ako gusto kong matulog ng naka kumot. Ewan ko ba kung bakit masarap matulog pag umuulan. Dahil siguro malamig at makulilim. Kaya lang bad trip kahit umuulan at bumabagyo kailangan pumasok.

Naalala ko tuloy noong nasa fourth year highschool ako, badtrip kahit umuulan kasi may pasok, gustong gusto ko pa namang matulog, ang kaso graduating na ako kaya dapat laging present ka. Matapat ka pa naman sa teacher na boring magturo sino bang hindi aantukin.

Nagbabalik tuloy sa alala ko ang isang karanasang hindi ko malilimutan sa highschool life ko. Meron akong teacher na head ng mga Cadette officer, sya yata yun pinaka terror na teacher sa buong campus namin. Paano ba naman malaki na ang katawan nya sobrang seryoso pa ng mukha. Halos lahat ng studyante sinisigawan nya pag may nagawang di nya nagustuhan. Kaya ako sobrang takot na takot sa kanya kasi takot akong masigawan.

Isang araw habang nagtuturo sya ng CAT.Hindi ko maiwasan antukin, kasi ba naman napalakalamig ng simoy ng hangin, makulimlim, parang ang sarap bumaluktot sa bahay at mag kumot habang nakikinig ng music, kung sana wala nalang pasok . Pero hindi eh, kailangan pumasok at dapat pumasok at dapat kong pigilan ang sarili kong wag antukin.. haaay… hikab.. at dahan dahang lumalabo ang tingin ko kay sir.. unti unti.. pero kailangan ko talagang pigilin itong talukap ng mata ko na unti unting gustong bumagsak. Yuyuko nalang ako para hindi mahalata ni terror…. zzzzzzzzzzzzzzzz zzzzzzzzzzzz zzzzzzzzzz

Parang tahimik ang klase sabi ko sa isip ko, hindi ko yata naririnig si teacher terror sa pagtuturo.. ano bang nangyayari? Maya maya parang may naririnig akong pusa.. MEEOOW! MEOWWW! san kaya galing yun? .. pagangat ko ng ulo ko.. si terror nasa harap ng mukha ko face to face! Sa kanya pala galing ang meoow ng pusa! At lahat ng atensyon ng buong klase nasa akin! At lahat sila sumakit ang tyan sa kakatawa! Wala akong nagawa kundi ngumiti sa kanya ng pagkatamis tamis kahit takot na takot masigawan naka ngiti pa din. Buti nalang hindi nya ko sinigawan! Ginising nya lang ako ng malambing na MEEEOOOWWW ! Pahamak na ulan! Sarap kasi matulog eh.