Maraming nagtatanong na kaibigan, kapitbahay, ex, schoolmate, ka chat, ka teks, ka officemate, at lahat na yata ng mga taong nakakakilala sa akin bakit hanggang ngayon ay di pa ako nag aasawa? Ang sabi nila di na daw ako bumabata, ano daw ba ang problema ko.. may itsura naman daw ako(lahat naman ng tao may itsura ) may trabaho, marunong na magluto, maglinis.. kung baga ideal na. Ano daw ba ang dahilan????

Sagot ko??

( walang nanliligaw!)

Meron naman “mga” na lilink sa akin, at meron din naman akong prospect.. pero diba kung hindi yun ang gusto ng puso mo bale wala rin.. Eto usapang puso nanaman, eto kasing si Lambing panay puso ang pina iiral, pero ako naman may kasamang utak na ginagamit.. kelangan kasi . E bakit nga ba hindi pa ako mag asawa?

Sagot ko? ( takot!)

Sa katulad kong lumaki sa isang basag na pamilya.. na nag nanais magkaroon ng isang buong pamilya na sarili ko, parang ang hirap pumili, ang hirap mag desisyon.. ayaw ko basta nalang sumabak sa pag aasawa na hindi handa.. pag sinabing handa.. dapat handa ka emotionally, mentally, physically, financially and spiritually.

Emotionally – para kahit ano mang manyari maghirap ka man.. kaya mo ipaglaban ang commitment na pinasukan mo. Hindi konting away lang gigive up kana agad. Nakaka inis yung ugali na konting away lang hiwalay na agad ang lunas. Sa mga nakikita kong ganon isa yun sa ikinakatakot ko. Kaya nga kako dapat ready ka emotionally, mahal mo talaga dapat yun tao. Dahil kung ready ka emotionally di ka magpapadala sa bugso ng damdamin.

Mentally – Yun nasa right mind ka. Mature ka na dapat , para sa akin lang ha opinion ko lang ito sa standard ko ng pag aasawa kung yun utak kasing utak ng 16 yr old pano mag wowork ang kasal na sinumpaan mo? Na konting di pagkakaunawaan lang mag lalayas ka. Dapat matino na utak mo sa lahat ng bagay, bukas ang isipan sa papasukan mong gulo gaya ng sabi ng iba . E ano ba naman malay ko sa pag aasawa? Nakikita ko lang kasi sa paligid ko na yun ibang sumasabak hindi pa ready dahil kung nasa tama kang pag iisip dapat naisip mo na ang pag aasawa hindi lang puro sa sarap at walang ending na lambingan.. marami din adjustment dapat ready kang harapin yun mga adjustment pag nagasawa ka na. Kaya siguro eto ang kinakatakot ko dahil dipa fully develop ang maturity level ko.

Physically- Bakit ko nga ba nasama itong physically na ito dapat meron kang tamang pangangatawan Yun personal hygiene mo dapat i consider yun no? Ikaw ba ay nag totooth brush ng tatlong beses sa isang araw? Dapat marunong ka na mag alaga ng sarili mo no??? Yun kaya ng katawan mong sumabak sa lahat ng gawaing bahay, kaya ba?? Kaya magluto? Maglaba? Dapat kahit paano marunong ka na para wala naman masabi yun asawa mo sayo. Ano ba itong mga pinag sasabi ko. Eto uli ay opinion ko lang.

Financially- Mag asawa ka kung kaya mo na bumuhay ng tao, (specially sa lalaki) o kung kaya mo mag tiis sa hirap ng buhay ngayon sasabak ka sa pag papamilya na kulang ang pinansyal mo naku maniwala ka magiging miserable ang buhay mo. Kung sabagay nasa contentment lang naman ng tao yan eh, ako kumain lang ako ng tatlong beses sa isang araw okey na, mapagaral ko lang ang mga anak ko okey na, di ko kailangan ng marangyang bahay, marangyang buhay, basta ba di lang nagugutom ang pamilya ko okey na yun tama lang ba. Pero kung sasabihin mong sasabak ka sa pagpapamilya tapos mamimirwisyo ka ng magulang, kamag anak mo at isisisi mo na walang tumutulong sayo dahil nagka anak ka na.. hello!!! pinasok mo yan.. wag kang mang abala ng ibang tao dahil sila rin may kanya kanyang problema. Isa pa siguro ito sa ikinatatakot ko, sasama lang ang loob mo pag humingi ka nang tulong kung sakaling nag kulang ka sa area na ito tapos di ka napagbigyan.. Maraming naghihiwalay sa ganitong area. Kaya minsan nakakatakot sumabak.. kaya kaya ng powers ko???

Spiritually – ready naba ako spiritually, yun bang papasukin mo ay may basbas si Bosing? Siya na ba talaga??? Ang ibinigay ni Bosing sayo?? Minsan mahirap din humingi nang signs.. Baka mamaya humihingi ka ng sign yun sign na hinihingi mo nasa kanya pero hindi mo naman gusto ang itsura. Kaya dapat daw kung hihingi ka ng sign sa Panginoon be specific. Katulad din pag tinatanong ka kung anong gusto mong gift.. dapat sabihin mo kung anong gusto mo.. hindi ka sasagot ng kahit ano lang.. mamaya binigyan ka ng arinola mag rereklamo ka.. tulad din yun ng paghingi sa itaas ng makakasama sa buhay kelangan specific., yun gusto mo talaga.. pero take note na di lahat ng pinapanalangin natin ay sinasagot ni God.. Kung kunwari nanalangin ka na “Bosing si Pedro ang gusto ko..” yun pala ayaw si Bosing kay Pedro dahil alam ni Bosing kung sino yun para sayo.. dahil gaya ng sabi ni ate Libay “The Lord has selective hearing. He doesn’t hear our prayers that will not benefit us or, at worse, harm us.”

Gaya nga ng sabi dun sa kkk sa going bulilit ” Handa na ba Ako?“

Kaya nga may kasabihan na ” Ang pag aasawa ay di parang kaning isusubo na pag napaso ay iluluwa”

Ayokong balang araw pag sisihihan ko yun pinasok ko. Dahil ayaw ko bumuo ng isang pamilya na pag di ako nasiyahan ay bibiyakin ko din. Napakahalaga sa akin ng pamilya kaya siguro ingat na ingat ako.

Hindi naman ako choosy, alam ko lang yun gusto ko.. at saka pano ba ako sasabak dyan eh wala nga akong boypren no! kaya tigilan muna ang pag prepressure sa akin hmmkei????

sometimes we’re so focused on finding our happy ending we don’t learn how to read the signs. how to tell the ones who want us from the ones who don’t, the ones who will stay and the ones who will leave. and maybe a happy ending doesn’t include a guy, maybe it’s you, on your own, picking up the pieces and starting over, freeing yourself up for something better in the future. maybe the happy ending is just moving on. or maybe the happy ending is this: knowing after all the unreturned phone calls and broken-hearts, through the blunders and misread signals, through all the pain and embarrassment… you never gave up hope.

-gigi-

He’s Just not into you movie