Kung trabaho ang pag uusapan, ako yung taong kung kinakailangan matapos ang trabaho kahit abutin ako ng madaling araw carry lang yan. Ganyan ko kamahal ang trabaho ganyan ako mag trabaho. Tatagal ba naman ako ng 4 na taon kung hindi ako matyaga. Dati inaabot ako ng madaling araw mag encode kasi nag iisa lang ako parang call centre lang wala pang over time pay yun. Pero narinig naman ni Lord ang panalangin ko nagkaroon ako ng kasama at binabayaran na rin ang sobrang oras ko same rate nga lang.
Oo na matyaga talaga ako eh. Hanggang sa nagkaroon na nga ako ng kasama ayun gumaan ang trabaho ko simula ng dumating si ofismate na maganda nakakapag update na ko ng blog at nakakapag facebook na rin. Halos nasanay na nga akong konti nalang ang ginagawa. Hanggang sa nagkasakit sya ay kailangan kong gawin pati ang trabaho nya… ayun toxic na toxic ako.
Na miss ko mag trabaho kasi yun utak ko parang gumagana na uli wala na akong panahon na mag isip ng lablayf kong zero at kung ano ano pa mabuti naman yun. Kapag nag babanat ka naman ng buto may kikitain ka kahit paano kaya sa isang banda gusto ko rin gabihin sa trabaho meaning extra pesoses yun. Kanina sabi ko mag papagabi ako para naman madagdagan ang sasahurin ko pero ang bilis ng karma gabing gabi na ako…. gusto ko ng gabi pero hindi gabing gabi.
Isa lang ang ayaw na ayaw ko pag nag o overtaym ako lalo na at gabing gabi na.. malapit nga lang opisina ko sa bahay pero bago ka makarating sa bahay may sang katerba kang asong madadaanan..Kapag gabi na maraming aso sa daan huhu..
Gusto ko ng aso.. lalo na yun mga maraming balahibo yung cute ! wag lang wild.. ayoko ng tinatahulan ako lalo na ng MARAMING ASO as in KUMPOL KUMPOL parang mangga lang buti sana kung isa lang kaya ko pang diskartehan yan… madilim pa naman di mo alam kung nasan na yun aso itim pa naman yung iba.. lahat na ng teknik na tinuro saken naisip kong gawin kagabi..
- kagatin ko daw dila ko tyak hihinto sa pagtahol yun at dededmahin ka…
- sabi hawakan ko daw yung ano ko hihinto yun aso.. ( hindi ko ginawa hiya ko eh 😳 baka may makakita pa saken )
- takutin ko daw… ( paano kung takutin din ako)
- kapag hahabulin daw ako habulin ko din daw ( di kaya mapagod ako nun?)
- tignan ko daw sa mata ( makikipag eye to eye pa ko eh ang dami nun sino titignan ko aber? )
Natatakot na talaga akong malapa paano na ang iniingatan kong binti ? kagabi sobrang nakakarindi pa ang tahol mga hayup na yun oo mga hayup nga sila ! mga aso eh… wala pa naman akong dalang payong huhu… ginawa ko kumuha ako ng bato habang unti unting naglalakad kagat kagat ang dila ko, kunwari hindi ko sila nakikita pero nanghihina na ako sa takot ayaw ko makagaaaattttt… tapos eto yun isa ang tigas ng ulo susugod pa sa likuran ko gusto ko syang wreslingin promise at durugin sa mukha nya yung hawak kong bato.. pero yun lang madami nga sila eh..ayaw kong pagkumpulan ang beauty ko at gawing hapunan nila… kaya huminto ako nag text kunwari sabi ko sa kapatid ko sunduin ako.. ilang minuto nako dun walang dumating… napagod ako sa kakatayo at sila rin sa kakatahol.. lakad nanaman hanggang sa nakarating ako sa bahay.
Yes!
Habang ginagawa ko itong entry na ito uuwi nanaman ako. Oo, gabi na nag iipon pa ako ng lakas ng loob umuwi… pag pray nyo ko wag makagat 😥
Lambing lang ang katapat mo 
nag comments na may Lambing