May tatlong babae nag uusap..
Girl 1: Hay… sana mag bayad na yung classmate ko sa utang nya …. 😦
Girl 2: Sana makasingil na ako sa mga pautang ko sa opisina..
Girl 3: Makapag tago na nga… sana huwag akong singilin ng mga pinagkakautangan ko 😆
Kung may pinakamabilis na papasuking business iyon siguro ang pag papautang. Basta may pera ka tyak makakapag pautang ka. Dito sa Pilipinas kong mahal usong uso ang utangan, andyan si DJ bumbay 5’6 , lending companies, appliances , damit, pera, sa tindahan ni aling nena, kapit bahay mong nagtitinda ng langonisa, avon , pati nga pag aabroad pwede rin utangin fly now pay later.
Kahit saang lupalop dito makakahanap ka nyan, yun nga lang ang iba halos kalahati ng inutang ang interest, napakalaki ng patong at dahil sa walang choice yun tao kakagatin naman yung offer para may pantawid gutom. Ang masaklap pa nito kung sino pa ang mga walang trabaho yun pa ang malalakas ang loob mangutang, utang dyan utang doon, uutang sa kabila para may pang bayad sa kabila hanggang sa magkapatong patong na at hindi ka na makaahon.
Nakakaenganyo nga naman kasi mangutang sa isang iglap lang may pera na at mabibili na ang gustong bilin, pero kapag dating na ng bayaran doon na nagkakaroon ng problema kasi yung perang inutang hindi ginamit sa tamang paraan. Para lang itong pag-inom ng alak sa umpisa makukuha mo yung gusto mong tama ma ha high ka pero kinabukasan humanda ka sa hang over.
May mga tao kasing mahilig mangutang, basta may mauutangan sige kuha dyan kuha dito, kahit mura pa ang paninda kung isang tambak naman ang inutang nya at mas malaki pa yung inuutang kaysa kinikita nya at kapag panahon na ng bayaran nakow!!! Halos hindi mapakali kung saan kukuha ng ipangbabayad sa mga kinuha nya.
Hindi naman masamang mangutang lalo na at gipit ang tao, ang magpapautang ang syang nagbibigay pag – asa sa mga gipit na tao. Saludo nga ako sa mga nag papautang ng walang interest kasi binibigyan nila nang pagkakataon yung taong makaahon sa problema nila.
Nagiging problema lang kapag inabuso na ito ng tao, pinahiram ka na nga gagamitin mo pa ito sa luho, ipangsusugal, inom at kung ano ano pa lalo lang ito malulugmok kapag yung hiniraman eh may interest at mataas ang patong.
Hindi mo rin naman masisisi ang iba, sa hirap nga naman ng buhay ngayon.. sino ba ang hindi nangutang? Pero sana lang matutunan din natin maging responsableng mamamayan. Ang simple lang naman..kapag wala kang pambayad huwag ka nang mangutang. Kasi kawawa din naman yung napangakuan mo, at malay mo yun lang din ang hanap buhay nya, at kapag dating ng singilan hindi ka na mahagilap at kung medyo makapal pa ang mukha mo ikaw pa ang mang bubulyaw doon sa naniningil.. kawawang nilalang. Unaunahan lang yan eh mabuti sana kung mabait yung inutangan mo malay mo ikaw naman ang bulyawan ng .. ” MAG BAYAD KA NA NG UTANG NG INA MO! ”
Hay nako ang gulo sa earth! yung mga ganitong problema nagkalat lang sa paligid, lalo na sa mga hikahos sa buhay, maaring hindi ganito ka simple ang problema ng mga mayayaman pero mayron din silang version nito yun nga lang sosyal pakinggan ang credit card ekek na yan at take note million million naman ang usapan dyan.
Paano ka ba makakaahon sa ganitong sitwasyon?
There are plenty of ways to get ahead. The first is so basic I’m almost embarrassed to say it: spend less than you earn.
~Paul Clitheroe
- Siguro tamang pag gamit lang ng pera, wala kang kinikita huwag kang mangutang.
- Kung may trabaho ka, huwag gumastos ng malaki kaysa sa iyong kinikita.
- May kasabihan na matutong bumaluktot habang ang kumot ay maigsi.
- Kung gusto mo makamit ang mga bagay bagay na ninanais matutong mag banat ng buto.
- Matutong makuntento kung anong meron tayo.
- Sipag at tyaga.
Philippians 4:11-13
For I have learned to be content, whatever the circumstances may be. I know now how to live when things are difficult and I know how to live when things are prosperous. In general and in particular I have learned the secret of eating well or going hungry of facing either plenty of poverty. I am ready for anything through the strength of the One who lives within me.
Lahat naman nadadaan sa panalangin pero lahat ng pinapanalangin kailangan sinasamahan din ng gawa.
nag comments na may Lambing