” Wag kang magreklamo kung yun mahal mo e hindi ka mahal, kasi meron din mga taong mahal ka pero di mo rin mahal. Kaya quits lang! “
Naalala ko ang mga katagang yan minsang nag eemote ako sa plurk. Sinabi sa akin yun ni issey. Napaisip ako, oo nga naman, may mga taong mahal na mahal tayo pero kahit anong gawin natin hindi natin ito magawang mahalin. Tama ba isagot dun na quits lang? Napakahirap talaga sagutin nang mga katanungan basta ang pinag uusapan ay pag ibig. Walang matinong sagot, dahil ang pusong nagmamahal, walang tinatanggap na sagot, ang alam lang nito ay yun nararamdaman nya.
Bakit ba ang kulit ng puso? Kung sana pwede nalang magmahal ng taong mahal ka din, pero bakit ganon? natataon pa na minamahal natin yun taong walang paki alam sa atin. Napaka gulo, o kung sakali mang mahal din tayo, may balakid naman, pwedeng di na sya available o may asawa na. Saka mo sya minahal kung kelan hindi na pwede ang lahat ng posibilidad para maging kayo. Yun iba sinusunod ang puso, kahit mali sugod pa din para lang mapagbigyan ang pusong naghuhurumentado pabagbigyan lang ang gusto.
Naisip ko lang, pano kaya kung magpalit kayo ng damdamin nung taong minamahal mo. Siya yun makaramdam nang pag ka miss sayo, makaramdam ng sakit sa tuwing binabale wala ka. Makaramdam ng pangungulila at pag luha sa tuwing naiisip ka. Maramdaman nya yun pusong parang madudurog pag naiisip na ang lahat ng pagmamahal mo hindi na rerecognize. Makaramdam ng takot, takot na hindi mo na makita yun mukhang nagpapasaya sa iyo. Yun mga ngiting nagpapakompleto ng araw mo. O mapapawalang saysay ang mga bagay na inalay mo sa kanya. Mga sakripisyo mo na binigay o handang ibigay pa.
Magkakaroon kaya sya ng realization. Maiintindihan na kaya nya ang taong ito na sobrang nagmamahal sa kanya pag nag palit kayo ng nararamdaman. Masasabi kaya nya na .. ganon pala yun! Dahil sa isang nagmamahal, hindi naman natin pwedeng piliin kung sino ang mamahalin natin. Basta basta na lang ito tumitibok kung kanino nito gusto tumibok. Kahit pangit ang ugali o mukha mang sanggano kung dun ito tumibok eh. O kahit mukha mang balyena ito. O pinaka maganda o gwapo sobra naman panget ng ugali, kung dun tumibok si pusong malupit wala pa rin tayong magagawa.
Ibig sabihin swertehan lang talaga. Sana nga pwedeng piliin o pwede mamili kung kanino titibok ang puso natin , para sa bandang huli hindi tayo masaktan. Pero kasama sa buhay yan eh,, kasama sa pag ibig ang kabiguan. Gaya ng lagi kong sinasabi sa mga nauna kong entry.. hindi ka masasaktan kung di mo mahal, kaya ka nasasaktan kasi nagmamahal ka.
Bakit ko ba nasasabi itong mga bagay na ito? Siyempre may kinalaman nanaman ito sa nararamdaman ko. Thankful ako kasi may nararamdaman ako, at dahil may nararamdaman ako mayron akong nasusulat sa blog ko.
Kung sakali man maligaw dito ang itinitibok ng puso ko..
Gusto ko sabihin sayo na mahal kita. Hindi ko ito pinilit at lalong di ko ito sinadya. Sana maintindihan mo ang nararamdaman ko. Mahal kita, uulit ulitin ko iyon hanggang marinig mo ito at maramdaman. Kung di mo pa rin maramdaman o ayaw mo man itong maramdaman … wag kang mag alala , okey lang ako. Magiging masaya na rin ako para sayo. Dahil hindi ko naman ipipilit ang sarili ko sayo.. gusto ko lang iparamdam sayo ang pag ibig ko. Nakakatawa kasi ang galing ko magsulat ng nararamdaman ko pero sa bunganga ko ayaw lumabas. Dahil siguro takot lang ako,, takot akong mawala ka sa akin .. pero kelan ka ba naging akin ??? Ingat ka nalang palagi .. sana kung mag krus uli ang landas natin ngitian mo lang ako solve na ako dun, o kung pwede bang mag request hug mo ako ng mahigpit.. o kung pwede pa uli mag request… o sya wag na nga..
Whatta emo girl this lambing!
” There will always be that first true LOVE. The ONE you first spent the night crying for. The one that never really worked out, but you keep your hopes up too much. The one who got away. The one who taught you all you need to know about love. The ONE that till now is still the ONE you LOOK BACK to whenever you try to LOVE again… “
IKAW PASAWAY BA ANG PUSO MO? 😉
Lambing lang ang katapat mo 
nag comments na may Lambing